Bogdanoviq: Nuk është lehtë të vendosen vlera që paraprakisht janë shkatërruar

Kryetari i Komunës Qendër Sasha Bogdanoviq, në konferencën #VeprimIntegrim foli për punën njëvjeçare si njeriu i parë i Qendrës, për planifikimin urbanistik, alternativat e gjelbra dhe neojën për bashkëpunim më të mirë mes pushtetit lokal dhe qendror.

“Për herë të parë kemi sjellë moratorium për ndërtime, që do të thotë nisje e veprimeve të reja. Për fat të keq, paraprakisht kishim procedura të nisura, të cilat veç më kanë arritur në faza të caktuara, dhe çdo gjë që do të bëni pastaj, mund të shkaktojë pasoja ligjore për komunën. Ne kemi pasur amanete të tilla nga kryetarët e mëparshëm të komunave, dhe kjo na kushtonte shumë komunën, flas për pjesën financiare. Kjo sjell deri te shkurtimi i punëve tjera në funksionimin normal”, shton Bogdanoviq.

Ai theksoi se në të kaluarën brenda natës ndryshonin Planet detajore urbanistike dhe hapësirat e gjelbra të cilat më pas shndërroheshin në ndërtime.

“Derisa kishte komunizëm, kishte edhe urbanizëm. Ta marrim si shembull lagjen “Prolet”, do të shihni se atje ka ndërtesa të vogla, shkollë, çerdhe, dhe ka park, pemë, parking”, tha Bogdanoviq.

Ai është i vendosur se kur bëhet fjalë për vetëqeverisjen lokale, ne kemi ligje të kira, mirëpo duhet të saktësohen dhe të fillohet të aplikohen në praktikë. Por, edhe se të gjitha gjërat duhet të zgjidhen sistematikisht, në nivel lokal, deri te qelizat e tyre më të vogla – bashkësitë lokale, deri te shoqatat qytetare, por edhe se e njëjta duhet të praktikohet dhe në nivel shumë më të lartë.

“Është vështirë kur mundoheni të sjellni vlera, për të cilat tani bisedojmë, ndërsa paraprakisht janë shkatërruar”, theksoi Bogdanoviq.

Konferenca #VeprimIntegrim për vlera evrpiane, alternativa të gjelbra dhe kundër nacionalizmit u organizua nga CIVIL -Qendra për Liri në bashkëpunim me Fondacionin Hajnrih Bell nga Gjermania.

Dehran Muratov

Kamera: Atanas Petrovski

Montazhi: Arian Mehmeti

Please follow and like us:

This post is also available in: Macedonian English

Green CIVIL

FREE
VIEW