CIVIL organizon debat me temë “Kryetarët e komunave dhe liria”

Debati me temën “Kryetarët  komunave dhe liria” në organizim të CIVIL-Qendrës për Liri, do të mbahet më 14 tetor (e premte) në ora 12:00 në Hotelin City Park në Shkup.
Në debat me video deklarata të do të marrin pjesë kryetarët Ilço Zahariev (Shtip) Ratko Dimitrovski (Koçanë), Izet Mexhiti (Çair) dhe Andrej Zhernovski (Qendër). Panelistë në debat do të jenë Georgi Hristov nga Qendra për Zhvillim të Demokracisë Lokale dhe Jadranka Kungullovska, eksperte për mbështetje institucionale dhe ish-këshilltar komunal.

Debati është pjesë e aktiviteteve të Karvanit të Lirisë, i cili në tre muajt e fundit ka organizuar më tepër lloje të aktiviteteve në mbi 40 komuna anembanë vendit, duke përfshirë koncerte, punëtori të artit, performanca të poezisë dhe teatrore, si dhe debate dhe diskutime që mbulojnë çështje të ndryshme kulturore dhe shoqërore që janë të rëndësishme për qytetarët.

Karvani i Lirisë është festival udhëtues, i organizuar nga CIVIL - Qendra për Liri me mbështetje nga USAID-i, i cili përdor artin dhe kulturën për të ndikuar në forcimin e vetëdijes qytetare dhe pjesëmarrjes qytetare. Ai është një projekt dinamik multimedial, i cili inkurajon pjesëmarrjen e qytetarëve në proceset vendimmarrëse në nivel lokal dhe nacional.

Pas këtij evenimenti do të pasojnë edhe debate për përfshirjen e gruas në politikë dhe për artistët dhe politikën, si dhe debat i cili ka të bëjë me korrupsionin politik dhe kushtet për zgjedhje të drejta dhe demokratike.

 

Green CIVIL

FREE
VIEW