Mundësia për jetë të mirë dhe dinjitoze, është një nga të drejtat themelore të njeriut. Por, standardi i ulët jetësor, i cili nënkupton të ardhura të ulëta, arsimim dhe shëndetësi të papërshtatshme, shkelje të të drejtave të njeriut, mospërfshirja e grupeve të cenueshme sociale nga jeta shoqërore dhe politike, janë indikatorë të lartë për shkallën e varfërisë në Maqedoni.
Para Ditës Ndërkombëtare të Luftës kundër Varfërisë, nesër, më 17 tetor, Platforma e Maqedonisë kundër Varfërisë, Fondacioni Fridrih Erbert –zyra Shkup dhe EAPN –Europian Anti Poverty Network, organizojnë konferencë në temën: Përfshirje: “Edhe unë dua të kam jetën si tjerët!”, me fillim në ora 10, në kinemanë “Kultura”.
“Maqedonia e priti këtë ditë pikërisht me varfëri”, tha Millan Zhivkoviq nga FES –zyra Shkup, për CIVIL-Media.
Organizatorët paralajmërojnë se në konferencë do të dëgjohet zëri i atyre grupeve të cenueshme sociale të qytetarëve, të cilët, krijuesve të politikave sociale do tu tregojnë se çfarë do të thotë të jesh i varfër, i pa zëshëm i pa përfshirë dhe i harruar.
CIVIL- Qendra për Liri, në hulumtimet si pjesë e projektit “Drejtësi sociale, tani!”, vitin e kaluar ka ardhur deri te numra dekurajuese për nivelin e varfërisë në Maqedoni. Për fat të keq, rreth 50% nga popullsia në Maqedoni ende jetojnë në kushte shumë të rënda, ndërsa të drejtat dhe liritë e tyre nga dita në ditë, janë edhe më shumë të rrezikuara.
