Karta Qytetare Globale (#CivicCharter) në këtë moment po promovohet në konferencën ndërkombëtare “Perspektivat Globale” e cila filloi para tre orë në Berlin.
“Ne, njerëzit, kemi të drejtë dhe obligim të marrim pjesë në formësimin e shoqërive tona” – thuhet në fillimin e këtij dokumenti të rëndësishëm ndërkombëtar i cili sot përfaqësohet para opinionit botëror. Deri në këtë moment, 222 persona dhe organizata nga e tërë bota, e kanë mbështetur këtë Kartë.
CIVIL gjendet në mesin e 50 organizatave të para nënshkruese në botë.
“Të drejtat e njeriut dhe liritë themelore në botë po shkelen ditë e më shumë. Në shumë vende. Njerëzit dhe organizatat e tyre po ballafaqohen me kufizime serioze dhe janë të privuar nga e drejta të marrin pjesë në formësimin e shoqërive të tyre. Aktivistët janë të rrezikuar, të përndjekur, të burgosur, të munduar dhe të vrarë. Organizatat legjitime të shoqërisë qytetare janë të penguara në punën e tyre, të privuar nga financimi, e kanë të ndaluar të punojnë dhe shpërndahen. Mundësitë për pjesëmarrje të qytetarëve në jetën publike janë të kufizuara ose të mbyllura” – qëndron në Kartën Qytetare e cila sot po e përjeton inaugurimin botëror para rreth 100 liderëve dhe drejtorëve të organizatave dhe fondacioneve botërore.
“ Do të zgjedhim të heshtim, ose të jemi në anën e vërtetë të historisë?”- Përfundoi Artur Larok, drejtori i ActionAid nga Uganda, i cili ka nderin ta promovojë Kartën Qytetare Globale.
