CIVIL ka hapur Aplikimin për paraqitje të vëzhguesve zgjedhor në ditën e zgjedhjeve, në ueb faqen #ZgjedhjetëLira.
Ueb faqja, të cilën CIVIL e ka lëshuar që në vitin 2013 për qytetaret dhe qytetarët, të paraqesin parregullsi zgjedhore gjatë procesit zgjedhor, tani përmban edhe Aplikimin onlajn shumë të thjeshtë.
Në ueb faqen #ZgjedhjetëLira gjendet edhe rubrika Resurse, nga e cila vizitorët do të kenë mundësinë të marrin publikime të kushtuara vëzhgimeve zgjedhore të CIVIL.
Përveç në aplikimin onlajn, është e hapur mundësia që kandidatët të paraqiten edhe përmes postës elektronike në [email protected] ose në Fejsbuk faqen për #ZgjedhjetëLira, por mund të vijnë edhe në selinë e CIVIL. Për më tepër informata, qytetaret dhe qytetarët mund të lajmërohen në telefonin 02 / 520 91 76.
Kushtet për zbatimin e detyrave të punës së vëzhguesve të akredituar të CIVIL janë: Vëzhguesit e CIVIL nuk kanë angazhim partiak ose tjetër angazhim për vëzhgim të zgjedhjeve, dhe e zbatojnë vëzhgimin zgjedhor vetëm për CIVIL. Vëzhguesit e CIVIL u përmbahen përpiktë parimeve për paanshmëri dhe neutralitet, i ndjekin udhëzimet dhe detyrat e dhëna nga organizata dhe e zbatojnë vëzhgimin në zgjedhjet në pajtim me Kodin Zgjedhor dhe Kodin për vëzhgim. Raportimet janë të sakta, të besueshme, të mbështetura me fakte. Vëzhguesit e CIVIL janë mobil dhe vendosen në dispozicion sipas planit për vëzhgim zgjedhor, në lokalitete të cilat do t’u bëhen të njohura para ditës së zgjedhjeve. Vëzhguesit e CIVIL e respektojnë fshehtësinë e të dhënave dhe informatave të pranuara gjatë punës në CIVIL, gjë për të cilën është përgjegjëse/përgjegjës para ligjeve për ruajtjen e fshehtësisë zyrtare.
Projekte aktive të CIVIL për vëzhgim, edukim, forcim i vetëdijes qytetare, hulumtim dhe publikim:
- Përpara! – financuar me mjete gjermane nga Pakti për stabilitet të Evropës Juglindore
- Vëzhgojmë – financuar nga Ambasada e SHBA në Shkup
- OBJEKTIVI QYTETAR – financuar nga National Endowment for Democracy
- CIVIL është pjesë nga programi i CIVIKA MOBILITAS, financuar nga Agjencia Zviceriane për zhvillim dhe bashkëpunim, e implementuar nga Qendra e Maqedonisë për Bashkëpunim Ndërkombëtar (QMBN)
