Општина Гостивар организира низа активности по повод 21 Март, Денот на екологијата.
Од секторот за заштита на животната средина и природата, од Општина Гостивар соопштуваат дека активностите ќе се одвиваат два дена, ќе бидат од различен карактер и ќе вклучуваат и деца, млади, невладини организации и граѓани, соопштуваат од Општината.
Во недела, 21 март, во 11 часот ќе се промовира Еко патролата, и веднаш потоа, во 11: 45 ќе биде промовиран мобилниот апарат за мерење на загаденоста на воздухот. Првиот ден од одбележувањето на Денот на екологијата ќе заврши со садење дрвја, со почеток во 12 часот.
Вториот ден ( 22 март) ќе се одржат работилници со децата од градинките и учениците од основните училишта. Активностите ќе завршат со општа акција за чистење на градот од страна на општинските службеници и вработените во јавните институции со почеток во 13 часот.
Одбележувањето на Денот на екологијата е со цел на подигање на јавната свесност на сите граѓани, од сите возрасти и категории, за заштита на животната средина и природата, како и поставување нови критериуми и повисоко ниво на одржувањето на чистотијата на градот.
