Како човечки суштества, сите ние сме неразделен и комплексен дел од природата на нашата планета Земја. Егзистираме искористувајќи ги ресуесите што таа ни ги обезбедува – воздух, вода, земја, храна. Нашиот начин, односно стил на живеење треба да подразбира усогласеност со законите кои владеат во природата. Секое нарушување на тој однос и нанесува штета на животната средина, која пак директно влијае на сите нас и предизвикува страдање.
Во текот на историјата, човековата активност не влијаела значително на животната средина, сè до развојот на индустријата и технологијата. Првите промени предизвикани од човекот се должат на неговата физичка активност и физиолошките потреби. Но, со создавањето и развитокот и на општествените заедници, започнува влијанието врз животната средина во значителен обем.
Ерата на напредни технологии и економии во која живееме, наметнува модел на општествено односување, кој е базиран врз принципите на максимално зголемување на профитот и потрошувачката. Во таа смисла се креира и антропоцентричниот став, кој создава илузијата дека човекот е надмоќен во однос на природата.
Со неверојатниот пораст на населението, побарувачката на природните ресурси и интересот за намалување на трошоците се повеќе се претвораат во експлоатација и уништување на природните екосистеми, но и акумулација на отпад.
Во текот на минатиот век, а особено во текот на последните педесет години, луѓето имаат извршено значајни промени и огромни негативни влијанија во рамките на животната средина, на глобално ниво.
Прекумерното пореметување, секоја штетна и непосакувана промена или нарушување и видоизменување на животната средина, преку исцрпување на ресурсите, како што се: воздухот, водата и квалитетот на почвата,а кое предизвикува уништување на екосистемите и природните живеалиштата, изумирање на некои видови диви животни и загадување, може да се дефинира како деградацијата на животната средина. Едноставно кажано, кога природните живеалишта се уништени или природните ресурси се исцрпени, животната средина е деградирана.
Меѓународната стратегија за намалување на катастрофите на Обединетите нации ја дефинира деградацијата на животната средина како “намалување на способноста на животната средина да ги исполни социјалните и еколошките цели и потреби“.
Еколошката деградацијата се јавува во многу различни облици, а со себе ги носи последиците од: губењето на биодиверзитетот, недостаток на вода за пиење, климатските и температурните промени, климатските промени и врнежите, порастот на населението, земјоделството, управувањето со вода.
Сите овие предизвици со кои се соочуваат современите цивилизации, во крајна линија имплицираат сериозни нарушувања на здравјето кај луѓето, но и сериозен економски пад на општествата.
Напорите за борба против еколошката деградација вклучуваат заштита на животната средина и управување со еколошките ресурси, преку креирање и спроведување на корисни политики од старна на владите во државите, како и континуирано едуцирање на населението за подигнување на еколошката свест.
Светот прави импресивни обиди за минимизирање на штетите кои и се нанесни на животната средина, земајќи го предвид порастот на населението и урбаниот развој.
подготви: Наташа Малинка Миновска
Линкови:
https://repozitorij.vuka.hr/islandora/object/vuka%3A131/datastream/PDF/view
https://wikipredia.net/hr/Environmental_degradation
https://hhr.wiki/detial/Environmental_degradation
https://environmentgo.com/hr/types-of-environmental-degradation/
https://bs.warbletoncouncil.org/deterioro-ambiental-10762
https://hr.history-hub.com/sto-je-degradacija-okolisa
https://www.academia.edu/30612689/Eko_prijetnje
https://gery.gef.bg.ac.rs/handle/123456789/356
https://nova-akropola.com/tag/ekoloska-degradacija/
https://www.eionet.europa.eu/gemet/hr/concept/2522
