Домородната заедница Анишинабе од Grassy Narrows, Канада, е уништена од труење со жива. Педесет години подоцна, младите во заедницата се решени да добијат правда.
Луѓето од Grassy Narrows имаат посебен однос со реката. Риболов е клучен за нивната култура, традиции и економија.
Во 1960, Владата дозволи да се фрли 10 тони токсичен отпад во речниот систем што ја одржува заедницата. Рибите беа загадени со екстремно високи нивоа на жива, што ги прави опасни за јадење и предизвикуваат децении сериозни здравствени проблеми.
Во 2017 година, канадската влада вети дека ќе се справи со кризата „еднаш засекогаш“. Ова бара чистење на реката, обезбедување специјализирана здравствена заштита и обештетување на заедницата. Но, над овие зборови, владата направи многу малку за да ја подобри најлошата здравствена криза во Канада.
„Сите ние имаме право на безбедно опкружување. Домородните заедници имаат право да го одржат својот единствен начин на живот. Младите на Grassy Narrows нема да се откажат од својата борба сè додека владата не ги задржи своите ветувања“, велат од Амнести Интернешнл кои повикуваат на глобална поддршка на овие млади луѓе за да се достави заедничка порака што ќе изврши притисок врз канадската влада за да обезбеди здрава животна средина за домородната заедница Grassy Narrows.
Потпишување на петицијата за поддршка значи упатување порака на канадската влада да обезбеди специјализирана здравствена заштита за преживеани од труење со жива кај Grassy Narrows, да обезбеди обештетување на сите членови на заедницата за влијанието на труењето со жива и официјално да признае дека луѓето од Grassy Narrows страдаат од труење со жива.
