Micevska: Karvani i Lirisë është thurje e jashtëzakonshme e kulturës dhe aktivizmit!

“Në kushte kur qytetarët janë të ekspozuar ndaj shumë përmbajtjeve dhe perceptimeve të njëanshme, shoqërisë në Maqedoni me të vërtetë i duhen evenimente siç është Karvani i Lirisë”, thotë gazetarja Vanja Micevska nga radio Kanal 77, e cila për median e saj, për tre muaj resht i ka ndjekur të gjitha aktivitetet lidhur me festivalin.

“ Kritike, alternative dhe e lirë- kështu do t’a kisha vlerësuar raportimin që ma mundësuan tre muajt e “mbulimit” të evenimenteve lidhur me Karvanin e Lirisë gjatë muajve të kaluara. Evenimentet multimediale të organizuara nga CIVIL –Qendra për Liri, gjatë muajve të fundit, për mua ishin mundësi e shkëlqyer që përmes radio eterit, të bëj ndërthurje të kulturës dhe aktivizmit qytetar. Pjesët muzikore atraktive dhe alternative, në kombinim me debate, ekspozita dhe punëtori, i përfaqësuan publikut të Maqedonisë -  idenë për përgjegjësinë e artistëve në krizën shoqërore, duke e zmadhuar vetëdijen për atë se çfarë do të thotë të jesh qytetar aktiv në një shoqëri.

kumanovo

Kjo “shëtitje e lirë” nëpër Maqedoni nuk duhet të ndalet këtu dhe tani...Në kushte kur qytetarët janë të ballafaquar me shumë përmbajtje dhe perceptime të njëanshme për faktin se objektiviteti i mediave manifestohet përmes kuantitetit të informatave, kësaj shoqërie me të vërtetë i nevojiten evenimente të lira dhe “të larme”, si Karvani i Lirisë.  Me siguri se kjo shkon bashkë me mediat, të themeluara mbi idenë për pavarësi, ndërsa “Kanal 77” është pikërisht radio e tillë- e orientuar nga kujdesi për publikun, me tendencë nga pluralizmi informativ. Për këtë arsye, edhe unë si gazetare e re por e përgjegjshme nga “Kanal 77”, me kënaqësi u përcjellja të gjitha detajet nga evenimentet dëgjuesve tonë të cilët janë kreativ, mendjeligë dhe të shkëlqyer!

Karvanit të Lirisë i dëshiroj edhe shumë suksese, dhe, kuptohet, bashkëpunim të frytshëm.!”

Green CIVIL

FREE
VIEW