Протест за чист воздух во Скопје

На вчерашниот протест за чист воздух што се одржа пред просториите на Град Скопје беа путани предизборните ветувања на градоначалникот Петре Шилегов за прочистувањето на воздухот како и на другите сегашни функционери што ветуваа спречување на градење на Водно и проектот за гасоводот.

Јована Мојсовска една од говорниците рече дека 4 луѓе умират дневно од загадениот воздух и дека од буџетот  Владата двои помалку пари за здравјето на граѓаните отколку за мебел.

По фијаското со плацот во Мајчин Дом и ДУП - овите во Карпош бараме градоначалниците конечно да почнат да работат за интересите на граѓаните од кои собираат даноци, а не за корумпирани бизнис моќници кои во природата и во луѓето гледаат само потенцијал за акумулација на профит. Повикувањето на правни пречки за укинување на спорните градежни проекти од партии за кои со децении главно обележје на владеење е деградирање на правото и законите или да бегаат од одговорност дека премногу било скапо поништувањето на договорите,небаре нашите животи имаат цена, претставува потценување на разумот и свеста на обичниот граѓанин“, изјави Мојсовска.

Таа истакна дека проблемот со загадениот воздух бара сеопфатен, мултисекторски пристап со координирано работење на сите државни институции.

Критика беше упатена и до заменик министерот за животна средина и просторно планирање Јани Макрадули кој изјави дека конечно загадениот воздух е стратешки приоритет со средства 1 и пол милион евра.

„Со износ кој е половина од износот издвоен за нивниот мебел, нашата влада решително ќе се справува со проблем кој убива четири животи дневно. И од ова е евидентен факт дека за нашите претставници поважна е нивната комоција отколку човековиот живот. Нашиот живот тие го вреднуваат поевтино од нивниот мебел“, изјави Мојсовска.

В. М.

 

Green CIVIL

FREE
VIEW