Глобалното затоплување закана за потопување на крајбрежјата ширум светот

Илјадници километри квадратни руска почва се под закана од релативно бавно потопување под вода поради топењето на ледените површини на планетата, објави „Нешенл џиографик“.

Како последица од глобалното затоплување и целосното топење на мразот, пред сè европскиот арктички дел на Русија, како и делови од јужното крајбрежје може да се најдат под морското ниво. Проширувањето на Средоземното Море ќе значи и проширување на Црното Море и Каспиското Езеро, што ќе ги засегне Русија и Украина.

Во слична, а можеби и поголема опасност се малите земји како Холандија, Данска, Естонија, но и градовите Лондон и Венеција. Во случај на катастрофа, исто така, и делови од брегот на САД, Кина и Индија може трајно да потонат. Битно да се спомене е дека глобалното затоплување ќе ја поштеди Африка, којашто ќе претрпи најмалку штета, како и планинските земји на средоземноморскиот брег.

Притоа, написот напоменува дека ваква катастрофа може да ја почувствуваме во некоја подалечна иднина, според некои научници, и дури по 5.000 год.

Green CIVIL

FREE
VIEW