Студентска конференција за енергетска ефикасност и одржлив развој од 13 до 16 декември во Скопје

Електрични и хибридни возила, енергетски ефикасен транспорт, менаџирање на енергијата за транспорт и возила со погон од горивни ќелии се темите кои ќе бидат во фокусот на деветтата Студентска конференција за енергетска ефикасност и одржлив развој – СКЕЕОР, што ќе се одржи од 13 до 16 декември годинава во Скопје.

Организаторите ги повикуваат сите студенти кои се заинтересирани за иднината со електрични возила, сакаат да се вклучат во дискусија или пак имаат некаква идеја како да го дадат својот придонес за зголемување на енергетската ефикасност во сообраќајот, како и намалување на загадувањето предизвикано од истиот, да се приклучат и да го следат овогодинешното издание на СКЕЕОР.

На овогодинешната конференција предавање ќе одржат м-р Христина Костадинова – Бошкова, на тема: „Технолошки иновации за побезбедни, поефикасни и попаметни возила“ и Никола Маркоски, претставник на компанијата „БРАКО“ – производител на првите хидрогенски возила во земјава, на тема „Производство на први хидрогенски возила во Македонија”

Green CIVIL

FREE
VIEW