Në pres konferencën e sotme , Prokuroria Speciale Publike ka paralajmëruar dy hetime të reja, “Toplik” dhe “Tender” . Me veprat penale të kryera në dy hetimet dhe me keqpërdorimin e pozitës zyrtare, është shkelur Ligji për Prokurim Publik dhe është dëmtuar Buxheti i Republikës së Maqedonisë për më shumë se dy milionë euro.
Siç tha Prokurorja Publike Fatime Fetai, rasti “Toplik” ka të bëjë me periudhën prej muajit mars të vitit 2007 deri në muajin shkurt 2013, kur i dyshuari kryesor , i cili atë kohë ka qenë në pozitë udhëheqëse në Ministrinë për Transport dhe Komunikacionit, së bashku me pesë anëtarë të Komisionit për Prokurim Publik e kanë keqpërdorë pozitën zyrtare me plot vetëdije, dhe kanë marrë vendimin për pagesë të 1 milion e 44 mijë euro, për blerje të truallit për ndërtimin e rezidencës në lagjen rezidenciale në Sopishte, Qyteti i Diellit, me çka e kanë dëmtuar Buxhetin Shtetëror.
Hetimi për rastin “Tender” ka të bëjë me veprën penale të kryer nga Ministria për Kulturë dhe Komisioni për Prokurim Publik të Ministrisë. Siç tha Fetai, ata kanë bë marrëveshje për tender për AD Beton- Shtip, në të cilin kushtet dhe kriteret kanë qenë të vendosura në mënyrë që tenderin ta fitojë pikërisht kjo kompani. AD Beton –Shtip ka përfunduar me punët ndërtimore në Muzeun e Luftës Revolucionare Maqedonase, për çka më vonë u janë paguar një milion euro.
Gjatë ditës së sotme, për personat të cilët janë pjesë e këtij hetimi, PSP do të kërkojë masa për sigurimin e pranisë. Detajet për masat e skata do të kërkohen nga Gjykata, nga PSP do të informojnë pas kërkesës.
Fetai informoi se Prokurorja Speciale Publike Katica Janeva nuk ka mundësi të merr pjesë në pres konferencën e sotme, për arsye se gjendet në ambientet e Drejtorisë për Sigurim dhe Kundërzbulim, ku pritet që më në fund të zbatohet urdhri gjyqësor.
“Korrupsioni dhe Kultura janë dy koncepte të ndryshme. Sipas të dhënave të deritanishme, ka pasur tentime që këto dy koncepte të përafrohen, mirëpo PSP është formuar dhe do të luftojë që t’u jep rrugën e kundërt”.
Marija Tegovska
