Këtë vikend, ekipet mobile të CIVIL, vizituan më tepër komuna në Maqedoninë perëndimore dhe veri-lindore . Në këto vizita kanë realizuar takime me përfaqësues nga më tepër parti politike dhe organizata joqeveritare me qëllim të mblidhen informata për gjendjet në terren.
Në Maqedoninë perëndimore, ekipet e CIVIL i vizituan komunat Tetovë dhe Gostivar, ku përskaj takimeve me koordinatorët rajonal, përfaqësuesit e organizatave joqeveritare dhe të partive politike, biseduan edhe me qytetarët dhe i informuan për mundësinë për pjesëmarrjen e tyre të drejtpërdrejtë në vëzhgimin e proceseve vijuese zgjedhore.
Në Maqedoninë veri-perëndimore, ekipet e CIVIL i vizituan komunat Kumanovë, Staro Nagoriçane, Rankovcë, Kratovë dhe Kriva Pallankë.
Në Kumanovë, përskaj takimeve me qytetaret dhe qytetarët dhe shpërndarjen e fletushkave, aktivistët e CIVIL kanë realizuar takime me përfaqësues të VMRO-DPMNE, si parti opozitare në pushtetin lokal në këtë komunë. Ekipi i CIVIL i cili ishte në Kumanovë në takimin me qytetarët, pranoi ankesa për listat e votuesve dhe për keqpërdorimin e tyre.
Në komunat Rankovcë dhe Staro Nagoriçane, CIVIL i informoi qytetarët për mundësinë për paraqitjen e tyre si vëzhgues në zgjedhjet vijuese më 11 dhjetor.
Takime të ngjashme me qytetare dhe qytetarë, CIVIL ka realizuar edhe në Kriva Pallankë, ku qytetarët u informuan për mundësinë të bëhen vëzhgues në zgjedhje, si dhe për mundësinë për paraqitje të të gjitha parregullsive dhe presioneve para dhe gjatë zgjedhjeve.
Në Kratovë, CIVIL ka realizuar takim për bashkëpunim me një nga organizatat lokale qytetare për procesin e monitorimit në proceset e ardhshme zgjedhore.
