Југохромци најавуваат радикален штрајк, комбинатот затворен до април

Сите 700 вработени во комбинатот „Југохром“ од Јегуновце, ќе останат на работа до крајот на годинава. Но, нивната работна судбина и егзистенцијата на нивните семејства ќе биде доведена во прашање, затоа што, филтрите за отпрашување на комбинатот ќе бидат изградени дури во април. Тие бараат Инспекторатот за животна средина итно да ја повлече одлуката со која се забранува работа на компанијата.

sindikat

Бајрам Амити- Синдикат на „Југохром“

„Сметаме дека ‘Југохром’ не е само причина за аерозагадувањето на Тетово и регионот. Овој пат успеавме да постигнеме договор со менаџерите,до крајот на годинава да добиеме плата,макар што декемвриската плата ќе ни биде исплатена со 70 отсто. Но, ако фирмата не работи до април, кога се очекува да заврши изградбата на објектите за намалување на аерозагадувањето, тоа е сериозна закана за нашата работна иднина. Бараме итно Инспекторатот да ја повлече одлуката за забрана. Ние да продолжиме со работа, паралелно да продолжи изградбата на објектите“, изјави за Грин ЦИВИЛ, Бајрам Амити, претседател на Синдикатот на фирмата.

Синдикатот и менаџерскиот тим денеска одржаа прес конференција, со барање, фирмата да продолжи со работа.

„Менаџментот на „Југохром“ покажа слух и разбирање за вработените, за регионот кој што гравитира околу фабриката и јас како генерален директор,одлучив во корелација со менаџментот, вработените и натаму да останат во редовен работен однос“,рече Васко Скендеровски на денешната прес конференција.

Но, според Скендеровски во декември на нова средба со Синдикатот ќе биде повторно разгледано прашањето за работниот ангажман на сите вработени, бидејќи месечните загуби во услови кога фирмата не работи, се во висина од преку 300.000 евра.Тој се надева на позитивна одлука од второстепената владина комисија, до која „Југохром“ поднел жалба на одлуката на Инспекторатот. Објаснува дека фирмата доцни со изградба на објектите за намалување на загадувањето, затоа што градежната дозвола ја добиле на 18 јули, па прекраток е законскиот рок од 5 месециза да заврши изградбата.

Вработените се сомневаат дека Одлуката на Инспекторатот во период пред избори има политичка позадина.

„Како поинаку да се протолкува издржаноста на Одлуката на Инспекторатот. ‘Југохром’ работеше кога немаше добиено ниту градежна дозвола. Сега кога сериозно работи на реализација, на изградба на објектите кои ќе го намалат загадувањето на воздухот, се носи таква одлука со поддршка на Општина Тетово“, велат вработените во „Југохром“.

Познавачите на приликите пак тврдат дека „Југохром“ навистина има голем удел во загадувањето на воздухот во Тетово и околината. Но, посочуваат дека во вакви случаи, кога се загрозува иднината на 700 вработени, државата треба да преземе мерки и да интервенира да се надмине проблемот, да ја запази и социјалната димензија за вработените, но и да се исполнат еколошките стандарди.

„Крајно, како во време кога Владата, кога владејачката партија на чело со лидерот Никола Груевски, секојдневно и на провладините медиуми и на митинзите најавуваат отворање на нови работни места, сега одеднаш се носи ваква одлука за затворање на фабриката?Конечно, зошто ваква одлука не се носи за сите загадувачи во Тетовско? И кој е виновникот што граѓаните се сиромашни, без работа, па со употреба на разни грејни тела придонесуваат во голема мера за загадување на воздухот“, реагираат добро упатените.

Моника Талеска 

 

 

Please follow and like us:

This post is also available in: Albanian

Green CIVIL

FREE
VIEW